Работa од дома – привилегија или присилна мерка?

„Работa од дома“ е реченица што сме ја чуле многу пати во овие месеци. Во зависност од тоа кој ја слуша таквата изјава, тој реагира „ласкаво“, додека има и такви кои навистина не мислат така.

Како се чувствувате и реагирате на ваквите изјави?

Се разбира, не е можно сите работни позиции да имаат за можност да ги исполнат работите од дома или од некое друго место. Одредени работни места бараат строго пропишани услови за работа, опрема и сл.

Постојат многу работи што можат да се направат од дома, важно е само да ги имате потребните алатки. Ова е особено точно за ИТ професионалците, консултантите, луѓето вклучени во креативна работа или сметководителите.

До пред неколку месеци донесувавме свои одлуки и го избравме нашето работно место. Една категорија на луѓе претпочита колективна / канцелариска работа и тоа како тие сами се организирале. Ние, кои решивме да ја смениме работната средина во зависност од организацијата и можностите, ја донесовме оваа одлука свесно. Како прво, се подготвивме и организиравме за промена на условите за работа.

Добрата алатка го заштедува времето

Кога велам подготвени, не мислам само на опрема, добари компјутери, интернет и сè што оди со номадскиот начин на деловното работење. Уште во 2011 година, започнавме да ја организираме нашата работа, за да можеме да работиме и надвор од канцеларијата. Се решивме на тој чекор бидејќи така сакам јас. Тој начин на живеење и работење е мој избор. Цело лето го поминувам надвор од Белград и надвор од мојата канцеларија веќе подолго време, но мојата работа не застанува воопшто. Редовно пишувам и објавувам стручни текстови на веб-платформата итн.

Сепак, за луѓето кои решија да ја организираат својата работа од канцеларија, ненадејната транзиција кон домашни услови беше вистински кошмар. Тоа не беше нивен избор, туку присилна мерка поради пандемијата. Во Белград, но и во другите поголеми градови, јавниот превоз беше укинат. Значи, сакале или не, голем број луѓе беа принудени да работат од дома. Некои го прават тоа и денес. Знам дека некои компании уште во март ги информираа своите вработени дека дефинитивно ќе работат од дома до крајот на 2020 година, а можеби и подолго.

Додека траеше вонредната состојба, голем број канцелариски работници мораше да одат во деловните простории/канцеларии поради документацијата. Не можам и не сакам да зборувам паушално, ви кажувам за активностите што активно ги следев и бев директно вклучена.

Тешка соработка со колегите

Покрај стручните текстови на веб-платформата, правам и студии за трансферни цени. Претпоставувам дека повеќето од вас го знаат тоа. Се знае дека по потпишувањето на договор со директорот или сопственикот на компанијата, мојата блиска комуникација продолжува со сметководителите. Ја добивам потребната документација од нив. Затоа знам дека голем број колеги едноставно мораа да одат во деловните простории за да ја преземат потребната документација. Знаете колку сметки и други документи се собрани во текот на една деловна година, за помала компанија, а да не ги спомнувам пак за поголемите компании.

Често ми беше непријатно, кога во анализата на документацијата сфаќав дека не добивав се што ми требаше за работа. Ова би значело дека некој колега треба повторно да оди од едниот до другиот крај на градот до канцеларијата, за да го најде, скенира и да ми го испрати бараниот документ. Јас работам со компании од цела Србија и затоа имам прилично точен пресек на ситуацијата, како и со какви алатки / програми работат моите колеги.

Младите родители работат ноќе

Не, нема да ви кажувам за условите за работа од куќа/стан во која има мали деца, кои исто така не се во градинка или на училиште поради пандемијата. Наместо да ја завршат својата работа, родителите мораа да ја следат училишната програма и да испраќаат домашна работа. За да можат да го прават она што се очекува од нив, и што треба да направат, најголемиот процент од родителите, работеле ноќе. Претпоставувам дека повеќето од вас се запознати со проблемите кои се појавија оваа пролет, но од 1-ви септември, тие се повторно на сцената.

Гледте, и јас сум мајка, работев од дома кога нашиот син беше мал. Сега тоа е момче кое работи и тоа е друга приказна. Не заборавив колку е тешко да се работи од дома и да се грижите за децата и семејството, имам целосно разбирање за споменатите ситуации. Не ми беше проблем да чекам неколку часа или цел ден за потребниот документ. Не сакам некој со кој работам да размислува, да се жали. Јас само разбирам. И ова не е моја прва вонредна состојба во која работам. Работевме и го преминувавме „Бранков мост“ во време на воздушната опасност која ја имавме, за да ја завршиме работата.

Со овој текст, сакам само да го искажам моето разбирање, но исто така да кажам дека голем број на сметководствени агенции и компании направија многу за да ја подобрат својата работа дури и пред пандемијата. Тие значително го намалија просторот за складирање на документацијата. Всушност, тие имаат сè на едно место, тие го обезбедија системот за еДокментација.

Можеби се прашувате што значи тоа?

Алатката што многу компании ја користат е еДокументација. Таа им овозможува да им бидат достапни сите документи со еден клик, сигурни и безбедни во дигитална архива на облакот (Cloud).

Важно е да се нагласи следново, еДокументацијата го чува оригиналниот хартиен документ што е скениран. Фирмите и агенциите за сметководство кои го користат овој систем на работа може да го реорганизираат бизнисот за кратко време. Вработените можат слободно да работат од своите домови, а програмата за сметководство што овозможува работење на Облак (Cloud), и тие исто така користат еДокументации, каде можам да кажам дека ова навистина е вистинска дигитализација. Колегите се поврзани во системот, податоците, документацијата и информациите им се достапни веднаш. Од лично искуство можам да кажам дека за само неколку минути ја добивам потребната документација, фактури и договори од сите компании.

Ова се некои од моите работни искуства со компании кои биле принудени да ги затворат канцелариите и да им овозможат на вработените да работат од дома. Некои работат со еден клик, некои пак одеа до канцелариите, некој бараше документации во архивите, скенираше и испраќаше…

Зошто Ви пишувам за моето искуство. Пандемијата сеуште трае, како што најавуваат експертите, ќе трае долго, барем до следното лето. Што значи дека е сосема сигурно дека во наредниот период повторно ќе имаме периоди кога одењето во канцеларија ќе биде многу тешко.

Со овој текст би сакала уште еднаш да им се заблагодарам на сите мои колеги за искажаната соработката. Исто така, да ви кажам дека е можно да се олесни бизнисот, да се намали просторот за архивирање на документацијата и што е најважно, да заштедите време при пребарување документација од архивите. Особено во ситуација кога работите од дома и документацијата е во деловните простории. Размислете за подобрувањата на вашиот бизнис.