Во кои дигитални решенија вреди да се инвестира?

На пазарот има се повеќе дигитални решенија кои го олеснуваат секојдневниот бизнис. Овде се поставува прашањето, дали навистина вреди да им се верува? Во продолжение ќе претставиме решенија кои ќе ја зајакнат вашата доверба во ракувањето со документи, податоци и информации и ќе ви помогнат да обезбедите поголема безбедност на вашите податоци.

Во ерата на сè поприсутни дигитални закани кои можат да ја разнишаат довербата во дигиталните решенија, неопходно е да се обезбеди постојано зголемување на заштитата на податоците и информациите. Компаниите мора да се грижат и за постојаното зголемување на безбедноста, бидејќи само така ќе можат да ги заштитат своите односи со клиентите и нивното работење и профитабилност. Оваа задача денес е потешка од кога било, бидејќи технологијата и заканите во дигиталниот свет постојано се зголемуваат.

Размислете пред да инвестирате во нови решенија

Инвестициите во нова опрема и решенија може да бидат високи, а секој погрешен чекор може да влијае на лојалноста на клиентите, финансиските перформанси, репутацијата на брендот и на крајот способноста на организацијата да ја изгради и одржува довербата на своите клиенти.

Иако многу компании ги разбираат заканите во дигиталниот свет, тие треба да обрнат повеќе внимание на традиционалните мерки за зајакнување на нивната сајбер безбедност, а во овој процес им помагаат и понапредни дигитални решенија. Кои инвестиции во решенија за дигитална безбедност се најефективни? Бидејќи компаниите размислуваат за зголемена сајбер безбедност, важно е да се нагласи дека одржувањето на дигиталната безбедност треба да вклучува сеопфатен пристап кон зголемена безбедност: од едукација на поединци и контролирање на процесите до одржување на безбедноста на податоците. Технологијата е клучна овде.

Можеме да истакнеме 4 клучни точки кои имаат значително влијание врз поголемата безбедност на податоците:

• Сите деловни податоци на едно место
• Корисничка контрола врз процесите и документите во компанијата (системи на документи)
• Доверба во безбедноста на податоците на хост
• Правење резервна копија на податоци

Деловен софтвер на хост или на локален сервер?

Хостот како и локалните софтверски решенија обезбедуваат основно ниво на заштита на податоците. Главната разлика меѓу нив е каде се складирани вашите податоци и кој има пристап до нив. Локалниот ERP софтвер е во сопственост и управуван од сопственикот на бизнисот. Целото одржување и сите ажурирања се одговорност на компанијата. Воедно, инсталирањето на системот, контролирањето на ИТ инфраструктурата и сите процеси значи голема одговорност што ја носи самата компанија. Ова бара проактивни мерки за да се обезбеди безбедност на вашиот бизнис и податоци.

Предноста на ERP решението е целосна контрола врз вашиот физички систем, кој лесно може да се прилагоди на специфичните потреби на вашиот бизнис, без потреба од интернет конекција. Доколку имате вработени кои работат од далечина, треба да обезбедите безбедносни мерки како што е VPN.

Со имплементирање на ERP решението на хост, компанијата складира информации во центарот за податоци. Како дел од PANTHEON Хост, соработуваме со неколку телекомуникациски оператори во Македонија, како што се Телеком Македонија, А1 и Актон Комуникации. Вашите податоци се безбедно зачувани во нивниот хост сервер, каде што можете секогаш да пристапите до вашите податоци, од било кое место и во било кое време. Предности на PANTHEON хостинг:

• автоматско ажурирање и законска усогласеност,
• грижа за заштитните ѕидови и соодветните безбедносни протоколи,
• правење резервна копија и
• итна реакција на инцидентот.

Хост софтверот генерално носи подобрена безбедност на податоците.

ERP системите на хост нудат софистицирана заштита со вградени безбедносни протоколи кои ги олеснуваат безбедносните грижи на компанијата. Овие мерки обезбедуваат следење на внатрешните и надворешните фактори 24 часа на ден, 7 дена во неделата. Тие овозможуваат итен одговор на инцидент, бидејќи автоматски препознаваат невообичаени настани и соодветно реагираат пред да се случат катастрофални последици. Покрај грижата за соодветните безбедносни протоколи, важна функционалност е и безбедното складирање и подготовката на резервни копии. Компаниите исто така можат да изберат хибридно складирање податоци, користејќи софтвер на локални сервери и функција за резервна копија која складира копии од податоците на хост. Резервните копии им помагаат на организациите да ги обноват податоците предизвикани од дефекти на системот, случајно бришење, несреќи или кражба. Колку почесто се ажурира резервната копија, толку побрзо и полесно ќе биде компанијата да се опорави од загубата на податоци.