Дали ги користите предностите на Линкедин?

LinkedIn одамна веќе не е само платформа на која поединците ги објавуваат своите биографии. Веќе подолго време порасна од своите основни рамки и започна да функционира како информативен сајт за бизнис содржини, каде што секојдневно се разменуваат информации, идеи и корисни содржини. Можеме да кажеме дека LinkedIn дејствува како размена на знаења, каде што поединците ги споделуваат своите искуства и сознанија, а со тоа се поттикнуваат разговори за конкретни теми околу кои се поврзани врските и познанците.

Доколку сте почетник во светот на LinkedIn, важно е да го пополните соодветно вашиот профил. Откако добро ќе го пополните, редовно ажурирајте ги информациите и започнете да се инволвирате во “споделување на знаењето” колку што е можно побргу – преку вашето мислење, споделување содржини, коментари за објавување, групи и итн. Вашето знаење и содржина се оние кои ви даваат “глас” за да ги отворите вашите очи и уши за оние кои се заинтересирани за одредена тема. Со тоа ќе го зајакнете вашиот личен бренд, како и довербата во вашите компетенции.

»Човек учи да зборува до втората година од својот живот, а потоа треба да научи да слуша до крајот на својот живот«

Значи, доколку во првата фаза од нашиот ангажман на Linkedin, бевме фокусирани на самите себе, и нашите  компетенции и презентации, сега треба да се свртиме нанадвор кон втората фаза. Треба да ја најдеме нашата публика, да ги слушаме предизвиците со кои се соочуваат поединците, да ги следиме и да покажеме интерес за нашите приказни. Само на овој начин ќе можеме да ги поврземе автентичните врски и да ги понудиме во следниот чекор, советите, кои би имале некоја вредност за нив. Само со слушање и следење ќе тргнеме нанапред од “споделување на содржини што има цел и сама по себе” до споделување на содржини што луѓето со задоволство ќе ги прифатат, читаат и ќе видат како би биле корисни за нив. Ова е нашата цел, нели? Ставете ги луѓето на прво место и претставете ги нивните производи, а потоа претставете се и себеси на начин да ја препознаат дополнителната вредност во вас.

Купувачите ни се онлајн, но каде се продавачите?

Времето кога продавачите го зимаа телефонот во рака, ја бараа секоја компанијата од зададената листа и бараа  состанок со донесувачот на одлуки во компанијата за да им понудат решение. Колку директори или менаџери се подготвени да одговорат на повик или е-маил на некој што не го знаат, никогаш не слушнале или не контактирале со него? Размислете колку пати сте прогуглале и пребарале некој одреден производ или компанија дури и пред да контактирате со нивниот тим за продажба. Размислете како Вие би реагирате кога ќе добиете е-меил или барање за пријателство од некој кој нема никакви познаници со вас или како би реагирале доколку добиете некое барање за пријателство од некој со кого веќе имате познаници и интереси.

Процесот на продажба веќе Ви започнал многу одамна, уште пред првиот повик, првиот е-маил или првиот состанок.

75 % B2B клиентите користат социјални медиуми кога се одлучуваат да купат.
50 % B2B клиентите користат LinkedIn како извор при одлучување за купување.
76 % B2B корисниците претпочитаат да ги следат препораките од нивната професионална мрежа.

Извор: LinkedIn

Што продавачите можат да направат за да помогнат LinkedIn да биде корисен и неоптоварувчки?

• Напшете го вашиот профил на LinkedIn – бидете сигурни дека вашиот наслов, опис и компетенции се јасно видливи, помагајќи да го изградите вашиот имиџ и да го подобрите угледот на компанијата во која работите. Вашиот LinkedIn профил е одраз на вашата деловна компанија на интернет. Направете добар прв впечаток.
• Бидете активни во вашата дејност – покажете своја сопствена иницијатива, интереси и компетенции – да се приклучите кон групи, да дискутирате и да ги следите иновациите во дејноста. Слушајте ја публиката и поединците кои сакате да ги достигнете и сами да ги споделите. Споделете ја содржината за која сакате да се поставите како консултант и како веродостоен извор на информации. Дали заедно со вашиот оддел за маркетинг или специјалисти од специфични области подготвивте корисни бизнис содржини? Споделете ги и поврзете ги со вистинските поединци. Чекор по чекор и ќе изградите доверба.
• Направете мрежа – пренесете ги вашите познаници во онлајн светот. Дали неодамна сте посетиле клиент? Дали сте присуствувале на некој настан? Дали сте разговарале со потенцијални клиенти за добивање идеја? Користете го секој ден да додавате нови пријатели во вашата мрежа од контакти: од соработници, до познаници и потенцијални клиенти, до задоволни клиенти кои ќе ве препорачаат на нивните контакти. Кога испраќате покани за врски преку LinkedIn, задолжително назначете лична, персонализирана порака. Пребарајте ги вашите потенцијални клиенти, проучете ги нивните потреби и интереси. Колку повеќе време трошите за истражување, толку и ќе најдете конкретни решенија кои ќе ви помогнат за постигнување на целта. Релевантната содржина е онаа што ќе ви биде билет за разговор, повик или средба. Генеричките пораки скоро секогаш одат во кошница или целосно ги забораваме.

Linkedin не е мрежа за брза продажба

LinkedIn не е мрежа наменета за брза продажба, каде што ќе најдеме контакт, ја испраќаме понудата и го нудиме  производот. Тоа тука не работи баш така. Денешниот купувач е далеку од “лесен плен”, кој го чека решението понудено од продавачот. Денешниот клиент собира колекција на мислења, информации и впечатоци, па затоа и не постојат кратенки за создавање на квалитетна мрежа на контакти и градење на нивната онлајн репутација. Дали ова значи дека “не вреди” да се посвети време, сериозност и енергија на овој начин на продажба?

Секако дека вреди, бидејќи сето ова е во ваш интерес да се претставите онлајн како експерт во вашата област – како веродостојна личност. LinkedIn е совршено место за да го направите ова и да ја покажете вашата вредност. Придружете се кон маратоните и силно лизнете им се под кожата на вашите клиенти и наскоро ќе тргнете по патот на успехот.